🏖「沙灘執垃圾初體驗」🌈
話說兩星期前同小朋友喺英文台睇咗一個關於「愛地球🌍」既節目，內容講到海洋之中垃圾尤其塑膠，好多時都被鳥類、魚類、海龜、海豚同埋其海洋生物誤以為係食物而食落肚，導致消化唔到而死亡☠️仲見到部份比較落後嘅鄉村例如印尼某個地圖區，竟然將呢啲垃圾直接倒晒落海🙀嚴重影響生態環境！
而大部分塑膠（發泡膠、膠袋、膠飲筒、膠餐具等...）都係好難分解唔到既，除咗教小朋友減少使用以上既塑膠用品之外，我決定帶佢哋一齊去做我想做好耐但未實行嘅事情～「去沙灘執垃圾！」好開心連老公都支持呢件咁有義意既事😻
今次一家四口嚟到遠離市區既愉景灣沙灘，活動籌備人Dana 分配完清潔工具同講解做法之後我哋就各自開工啦！唔親自落手做都唔知，原來香港既沙灘都有咁多垃圾（煙頭、玻璃碎、膠袋、發泡膠etc...）哥哥仔同包包仔都幫手清理咗好多垃圾，勁叻叻呀！🥰短短兩個鐘嘅活動裏邊，大家收集到嘅塑膠垃圾竟然有17大袋，合共大約127kg😳仲要有好多地方都未清潔完，受污染嘅程度真係難以想像！雖然呢個活動係要勞力既，但係有益身心而且仲好有意義，小朋友們都樂於其中而且又學到愛護地球既重要性，超正👍🏻活動完咗仲可以順便去愉景灣沙灘休憩處放下電添⚡️
所以喺呢度好想鼓勵大家嚟緊都一齊帶埋小朋友參與清潔海洋活動，為地球、為香港既海灘出一分力，有興趣可以留意下呢個網址既活動！
🌍http://plasticfreeseas.org/community-beach-cleanups.html
最後再一次多謝三位梁生陪我圓夢🥰
Search